Que é a UPD?

Que é unha UPD ?

As UPDs son módulos de intervención en ámbitos territoriais de carácter supramunicipal que colaboran na preparación, acompañamento e avaliación dos proxectos de escolas obradoiros, casa de oficios e obradoiros de emprego constituíndo un instrumento que, mediante a elaboración de plans e proxectos integrais de execución de políticas activas de emprego, teñen como obxectivo último a inserción laboral de persoas desempregadas.

A UPD “Deputación de Pontevedra 2009-2011”

A UPD “Deputación de Pontevedra 2009-2011” promovida pola Deputación Provincial de Pontevedra e financiada pola Consellería de Traballo e Benestar estará en funcionamento dende o 1 de decembro de 2009 e ata o 30 de novembro de 2011.

A súa finalidade é a dinamización do territorio provincial a diferentes niveis, considerando a aplicación do principio de igualdade de oportunidades entre mulleres e homes no emprego como acción transversal e a introdución das novas tecnoloxías da información e as actuacións medioambientais como eixes innovadores na intervención.

Acorde coa súa finalidade e para acadar os obxectivos do proxecto, a "UPD 2009-2011" desenvolverá diferentes estratexias para o fomento de emprego.